កម្រងរូបភាពយុវជនកាកបាទក្រហមនៅវិទ្យាល័យហ៊ុនសែនចំការលើក្នុងពិធី បំពាក់ឯកសណ្ឋានសម្រាប់ក្រុមយុវជនប្រចាំវិទ្យាល័យហ៊ុនសែនចំការលើ
Latest Post
បំណែកយន្តហោះដែលប្រទះឃើញនៅបាតទន្លេត្រូវក្រុងយកទៅរក្សាទុក
ភ្នំពេញៈ សាលារាជធានី បានផ្តល់ប្រាក់ជាង ៤០០ ដុល្លារ ទៅឲ្យអ្នកដែលបានទិញបំណែកយន្តហោះ មានទង់ជាតិកម្ពុជា ក្នុងសម័យសង្គ្រាម ទម្ងន់ ៥០០ គីឡូក្រាម ដែលត្រូវបានអ្នកនេសាទម្នាក់ប្រទះឃើញ នៅក្នុងបាតទន្លេមេគង្គ ហើយបានយកបំណែកយន្តហោះនោះ ទៅរក្សាទុកនៅសាលារាជធានី។
លោក ស៊ុន កាន់ណារ៉េត នាយប៉ុស្តិ៍រដ្ឋបាល សង្កាត់ឫស្សីកែវ បានថ្លែងថា បំណែកយន្តហោះ ដែលត្រូវបានគេរកឃើញ និងបានដាក់លក់ នៅកន្លែងលក់អេតចាយមួយ នៅខណ្ឌឫស្សីកែវ កាលពីម្សិលមិញ ត្រូវបានគេដឹកទៅរក្សាទុក នៅសាលារាជធានីភ្នំពេញហើយ។ លោក បានបន្ថែមថា ការដឹកបំណែកយន្តហោះទាំងនេះ ត្រូវបានធ្វើឡើង ទៅតាមបញ្ជាពីលោកអភិបាលរាជធានីកែប ជុតិមា។
លោក បានបញ្ជាក់ទៀតថា៖«បំណែកយន្តហោះទាំងនេះ ជាបេតិកភណ្ឌនៅក្រោមបាតទន្លេ ដែលត្រូវយកទៅរក្សាទុក និងការពារ តាមរយៈការអភិរក្សរបស់រដ្ឋាភិបាល ឬអង្គការយូណេស្កូ។ ដូច្នេះគេមិនអនុញ្ញាតឲ្យលក់ទេ»។
ប៉ុន្តែ លោក បញ្ជាក់ថា មុននិងដឹកជញ្ជូនបំណែកយន្តហោះទាំងនេះ ទៅសាលារាជធានី អាជ្ញាធរ បានផ្តល់ប្រាក់មួយចំនួន ដល់អ្នកដែលបានទិញបំណែកយន្តហោះនោះ។
លោក មីន អូម៉ា វ័យ ៤៩ ឆ្នាំ ដែលបានចំណាយប្រាក់ជាង ៤០០ ដុល្លារ ទិញបំណែកយន្តហោះនេះ ពីអ្នកនេសាទខ្មែរអ៊ិស្លាមម្នាក់ នៅសង្កាត់កោះដាច់នោះ បានឲ្យដឹងថា លោកបានទទួលប្រាក់ជាង ៤០០ ដុល្លារវិញ ប៉ុន្តែក្រុមមន្ត្រីបានសន្យាថា ប្រសិនបើរដ្ឋាភិបាល ពិនិត្យឃើញថា បំណែកយន្តហោះនេះ មានប្រយោជន៍ដល់ជាតិក្នុងការអភិរក្ស គេនឹងផ្តល់ប្រាក់ឲ្យលោកបន្ថែមទៀត។
លោកមានប្រសាសន៍បន្តទៀតថា៖«ខ្ញុំបានចំណាយប្រាក់ជាង ៤០០ ដុល្លារ ដើម្បីទិញបំណែកយន្តហោះទាំងនេះ។ ខ្ញុំ បានសម្រេចចិត្តទិញវា ពីអ្នកនេសាទម្នាក់ ព្រោះខ្ញុំ គិតថា វាជារបស់ដែលមានតម្លៃ ហើយខ្ញុំ ក៏អាចនឹងរកប្រាក់ចំណេញពីវាបានច្រើនផងដែរ»។
លោក ហេង រតនា នាយកប្រតិបត្តិ នៃមជ្ឈមណ្ឌលសកម្មភាពកំចាត់មីនកម្ពុជា (CMAC) បានថ្លែងថា ក្រុមអ្នកជំនាញខាង CMAC ក៏ត្រូវបានគេបញ្ជូនទៅ ដើម្បីពិនិត្យមើល បំណែកយន្តហោះទាំងនេះដែរ ដើម្បីពិនិត្យអំពីប្រភេទនៃយន្តហោះ និងកាលបរិច្ឆេទ នៃការធ្លាក់របស់យន្តហោះនោះ ក្នុងទន្លេមេគង្គ។ លោកបានបញ្ជាក់ថា៖«រហូតមកដល់នឹងពេលនេះ យើងមិនទាន់បានដឹងពីមូលហេតុ ពិតប្រាកដ ឬកាលបរិច្ឆេទ នៃយន្តហោះ ដែលបានធ្លាក់ចូលក្នុងទន្លេមេគង្គនៅឡើយទេ»។
យោងតាមមន្រ្តីជាន់ខ្ពស់ម្នាក់ នៅក្រសួងវប្បធម៌ និងវិចិត្រសិល្បៈ ដែលសុំមិនបញ្ចេញឈ្មោះ អះអាងថា បំណែកយន្តហោះដែលគេបានរកឃើញនេះ ប្រហែលជាធ្លាក់ចូលទន្លេមេគង្គ នៅសង្កាត់កោះដាច់ ក្នុងអំឡុងសង្គ្រាម ចន្លោះទសវត្សរ៍ឆ្នាំ ១៩៦០ ដល់ ១៩៧០។
អ្នកនេសាទខ្មែរអ៊ិស្លាមម្នាក់បានប្រទះឃើញបំណែកយន្តហោះ ទម្ងន់ ៥០០ គីឡូក្រាមនេះ នៅបាតទន្លេមេគង្គ ក្នុងសង្កាត់កោះដាច់ កាលពីថ្ងៃទី ១៥ ខែឧសភា៕ NR
សាលារាជធានីប្រកាសឲ្យសហគមន៍ជ្រើសយុវជនក្រីក្រទៅរៀនមុខជំនាញ
ភ្នំពេញៈ សាលារាជធានីភ្នំពេញ បានចេញសេចក្តីអំពាវនាវមួយដល់មេដឹកនាំសហគមន៍ទាំងអស់ ក្នុងខណ្ឌទាំង ៩ នៅភ្នំពេញ ឲ្យជ្រើសរើសយុវជនក្រីក្រគ្មានជំនាញ គ្មានការងារធ្វើ មកចូលរួមការបណ្តុះបណ្តាលជំនាញបច្ចេកទេស ជាមួយនឹងអង្គការ ការីតាសកម្ពុជា។
យោងតាមសេចក្តីជូនដំណឹង ដែលបានបង្ហោះផ្សាយនៅលើគេហទំព័ររបស់សាលារាជធានី កាលពីម្សិលមិញដែលចុះហត្ថលេខា ដោយលោកអភិបាលរាជធានី កែប ជុតិមា ចុះថ្ងៃទី ៦ ខែ កុម្ភៈមុននេះ បានអំពាវនាវឲ្យមេដឹកនាំសហគមន៍ទាំងនោះ ធ្វើការជ្រើសរើសយុវជនក្រីក្រពីសហគមន៍ខ្លួនសម្រាប់ការបណ្តុះបណ្តាលនេះ។
លោក កែប ជុតិមា បានឲ្យដឹងនៅក្នុងសេចក្តីជូនដំណឹងថា៖ «ដោយការមានការសហការជាមួយនឹងអង្គការការីតាស កម្ពុជា ក្នុងការជ្រើសរើសយុវជនក្រីក្រ ដែលជាកូនចៅរស់នៅក្នុងសហគមន៍ក្រីក្រទាំងអស់ នៅក្នុងរាជធានីភ្នំពេញ ឲ្យទទួលបាននូវការបណ្តុះបណ្តាលនូវជំនាញវិជ្ជាជីវៈផ្សេងៗ ដើម្បីស្វែងរកការងារធ្វើ និងចូលរួមលើកកម្ពស់ ដល់សេដ្ឋកិច្ចគ្រួសារពួកគេ»។
លោក គឹម រតនា នាយកប្រតិបតិ្តនៃអង្គការ ការីតាស កម្ពុជា បានថ្លែងឲ្យដឹង កាលពីថ្ងៃម្សិលមិញថា វគ្គបណ្តុះបណ្តាលមុខជំនាញនានា នឹងចាប់ផើ្តមនៅដើមខែក្រោយ នៅឯមជ្ឈមណ្ឌលបណ្តុះបណ្តាលរបស់អង្គការ នៅក្នុងក្រុងតាខ្មៅ ទីរួមខេត្តកណ្តាល។
លោកបានបន្តថា៖ «យើងអាចទទួលសិស្ស២០០នាក់ ក្នុងមួយឆ្នាំ ហើយមានមុខជំនាញ ១៤ខុសគ្នាដើម្បីបណ្តុះបណ្តាលពួកគេ»។ លោកបាន បញ្ជាក់ថា ជំនាញទាំងនោះមានយន្តការ គណនេយ្យ វិចិត្រករ គ្រប់គ្រងភោជនីយដ្ឋាន និងសេវាសម្អាងកាយ ។ល។
លោក គឹម រតនា បានបន្តថា៖«យើងចង់ជ្រើសរើសមនុស្សថែមទៀត ដែលមកពីសហគមន៍ក្រីក្រ ក្នុងរាជធានីភ្នំពេញ ដែលពួកគេគ្មានការសិក្សា និងគ្មានការងារធ្វើ។ យើងមានអត្រាជោគជ័យមានការងារធ្វើ ៩០ ទៅ ៩៥ ភាគរយ សម្រាប់អ្នកដែលបានសិក្សាបញ្ចប់វគ្គបណ្តុះបណ្តាលកន្លងមក»។
អ្នកស្រី សំ វណ្ណា អាយុ ៥០ឆ្នាំ ជាអ្នកភូមិដែលត្រូវបានបណ្តេញចេញពីបឹងកក់ ដែលបានតាំងទីលំនៅថ្មីក្នុងបុរីសន្តិភាព ២ ចាប់តាំងពីត្រូវបណ្តេញចេញនោះ នឹងធ្វើការជ្រើសរើសយុវជនមានលក្ខណៈសម្បត្តិពីសហគមន៍របស់អ្នកស្រី ដើម្បីបញ្ជូនទៅឲ្យអង្គការ ការីតាស កម្ពុជា ធ្វើការបណ្តុះបណ្តាល។
អ្នកស្រីមើលឃើញថា៖ «វាល្អប្រសើរដែរ ដែលសាលាក្រុងយកចិត្តទុកដាក់ដល់ប្រជាជនក្រីក្រ ក្នុងសហគមន៍ ដើម្បីផ្តល់ចំណេះដឹងនិងជំនាញជួយដល់ជីវិតពួកគេ»។ អ្នកស្រីបញ្ជាក់ថា យុវជនភាគច្រើនក្នុងសហគមន៍ ពួកគេគ្មានការងារធ្វើ ហើយមិនបានទៅសាលារៀនទេ ព្រោះពួកគេក្រីក្រគ្មានប្រាក់៕ TK
ប្រភពដើម http://www.postkhmer.com
របៀបផ្ចង់អារម្មណ៍សិក្សា
ការផ្ចង់អារម្មណ៍សិក្សាមុខវិជ្ជានីមួយៗជាប្រការចាំបាច់បំផុតដែលជួយឲ្យសិស្សនិស្សិតចាប់បានខ្លឹមសារមេរៀនច្បាស់ និងទទួលបានជោគជ័យពេលប្រឡង។ ជាការពិតរឿងរំខានអារម្មណ៍អាចកើតមានឡើងដោយសារកត្តាខាងក្រៅនិងកត្តាខាងក្នុងខ្លួន។ តែទោះជាយ៉ាងណាក៏ដោយគេអាចកាត់បន្ថយគ្រឿងរំខានទាំងនោះបានដោយអនុវត្តនូវវិធីសាស្ត្រមួយចំនួនខាងក្រោម៖
១. ពេលសិក្សាម្តងៗចូរធ្វើខ្លួនឲ្យទំនេរ ចូរដក ទូរស័ព្ទ កុំព្យូទ័រ និងគ្រឿងរំខានផ្សេងទៀតយកទៅទុកមួយឡែក។ ចូរប្រាប់មិត្តភក្តិ ឬក្រុមគ្រួសាររបស់អ្នក កុំឲ្យរំខានអ្នកពេលកំពុងសិក្សា។
២. ចូរជ្រើសរើសកន្លែងរៀនដែលមានអនាម័យល្អនិងសីតុណ្ហភាពសមស្រប។ ចូររើសកន្លែងណាដែលស្ងាត់ ជៀសវាងកន្លែងណាដែលអ៊ូអរ។ ចូរជៀសវាងរៀននៅលើគ្រែគេង ព្រោះវានឹងធ្វើឲ្យអ្នកមានអារម្មណ៍ចង់គេងលេង។ ពេលសិក្សា ចូរអង្គុយឲ្យត្រង់ខ្លួន។
៣. ចូរយកតាមខ្លួនជាស្រេចនូវសម្ភារៈសិក្សាទាំងឡាយដែលអ្នកត្រូវការ រួមមានដូចជា សៀវភៅអាន សៀវភៅសរសេរ ប៊ិច ខ្មៅដៃ ហ្វឺតហាយឡាយ ម៉ាស៊ីនគិតលេខ និងទឹកផឹកជាដើម។
៤. ចូររៀននៅម៉ោងណាដែលអ្នកមានស្មារតីល្អ។ អ្នកត្រូវដឹងខ្លួនឯងថា អ្នកអាចក្រោករៀនពេលព្រលឹម រៀនដល់យប់ជ្រៅ ឬរៀនក្រោយពេលបាយបានដែរឬទេ។ ចូរជៀសវាងភេសជ្ជៈប៉ូវកម្លាំង និងឱសថ។
៥. ចូរសិក្សាតែរយៈពេល ៥០ ទៅ ៦០ នាទី បានហើយ រួចសម្រាកប្រាំទៅដប់នាទី។ ក្នុងចន្លោះពេលសម្រាកចូរបរិភោគអាហារសម្រន់ ឬទឹកផ្លែឈើ។
៦. ចូររៀបចំកាលវិភាគសិក្សា ហើយរៀនទៅតាមកាលវិភាគនោះ។ ចូររៀនមុខវិជ្ជាដែលលំបាកក្នុងពេលដែលអ្នកនៅមានស្មារតីពេញលេញ ដើម្បីជៀសវាងកុំឲ្យអ្នកធុញទ្រាន់។
៧. ចូរបែងចែកពេលវេលាគ្រប់គ្រាន់សម្រាប់បរិភោគ និងលំហាត់ប្រាណ។
វិធីសាស្ត្ររៀនសម្រាប់អ្នកមមាញឹកក្នុងការងារ
អ្នកដែលមានការងារធ្វើពុំសូវមានពេលវេលាគ្រប់គ្រាន់សម្រាប់សិក្សាទេ។ ដូច្នេះគេគួរគប្បីប្រើប្រាស់ពេលរវេលាខ្លីៗឲ្យមានប្រសិទ្ធភាពបំផុត។
១. ចូររៀបចំបញ្ជីកិច្ចការងារដាក់តាមខ្លួនជានិច្ច ដូចជាថ្ងៃនេះត្រូវធ្វើលំហាត់គណិតវិទ្យា៣លំហាត់ គណនេយ្យ១មេរៀន ទិញសម្លៀកបំពាក់២សម្រាប់ ជួបប្រជុំជាមួយភ្ញៀវម៉ោង១០ព្រឹក ។ល។
២. ចូររៀបចំសម្ភារៈសិក្សាឲ្យមានគ្រប់គ្រាន់រួចជាស្រេច ដូចជាកត់ចំនុចសំខាន់នៃខ្លឹមសារមេរៀនដាក់លើក្រដាសតូចៗដែលអាចដាក់តាមខ្លួនបាន ឬថតសំលេងមេរៀនដាក់ក្នុងទូរស័ព្ទដៃជាដើម។
៣. ចូរដាក់ក្រដាសមេរៀននៅក្បែរជញ្ជាំង ឬកន្លែងណាមួយដែលអ្នកអាចមើលឃើញនិងអានបានពេលកំពុងសិតសក់ បោកខោអាវ ឬធ្វើកិច្ចការផ្សេងទៀត។
៤. ពេលធ្វើដំណើរទៅធ្វើការ ចូរចាក់មេរៀនក្នុងទូរស័ព្ទដៃស្តាប់។
៥. ពេលដើរពីកន្លែងចតរថយន្ត ឬម៉ូតូទៅថ្នាក់រៀនឬកន្លែងធ្វើ្ការ ចូរទន្ទេញមេរៀនតាមកំណត់ត្រា ឬស្តាប់មេរៀន។
៦. អ្នកអាចបរិភោគអាហារថ្ងៃត្រង់បណ្តើរ ស្តាប់មេរៀនបណ្តើរក៏បាន។
ការចេះប្រើពេលវេលាខ្លីៗឲ្យមានប្រសិទ្ធភាពនិងគុណប្រយោជន៍ ជួយឲ្យអ្នកមានពេលវេលាគ្រប់គ្រាន់សម្រាប់ គ្រួសារ ការងារ និងការសិក្សា ដោយមិនប៉ះពាល់ដល់ដំណេក។
មុខជំនាញសិក្សានៅសាកលវិទ្យាល័យភូមិន្ទភ្នំពេញ
សកលវិទ្យាល័យភូមិន្ទភ្នំពេញៈជាសកលវិទ្យាល័យដែលមានវ័យចំណាស់និងធំជាងគេបង្អស់នៅកម្ពុជា។ សកលវិទ្យាល័យនេះមានទីតាំងធំៗចំនួនបីដែល មានទីតាំងស្ថិតនៅរាជធានីភ្នំពេញ។សកលវិទ្យាល័យផ្តល់ការអប់រំកម្រិតបរិញ្ញាប័ត្រនិងអនុបណ្ឌិត។សកលវិទ្យាល័យនេះជាគ្រឹះស្ថានអប់រំដ៏សំខាន់បណ្តុះបណ្តាលគ្រូបង្រៀនគ្រប់ជំនាន់។ មុខជំនាញសំខាន់ៗរួមមានៈ
- ជីវវិទ្យា
- គីមីវិទ្យា
- វិទ្យាសាស្រ្តកុំព្យូទ័រ
- វិទ្យាសាស្រ្តបរិស្ថាន
- គណិតវិទ្យា
- រូបវិទ្យា
- ភូមិវិទ្យា
- ប្រវត្តិវិទ្យា
- អក្សរសាស្រ្តខ្មែរ
- ភាសាវិទ្យា
- សង្គមវិទ្យា
- ប្រព័ន្ធផ្សព្វផ្សាយនិងគមនាគមន៍
- ទស្សនវិជ្ជា
- ចិត្តវិទ្យា
- ទេសចរណ៍
- ភាសាអង់គ្លេស
- ភាសាបារាំង
- ភាសាជប៉ុន
- ភាសាកូរ៉េ
ព័ត៌មានលំអិតអំពីសកលវិទ្យាល័យនិងមុខជំនាញនីមួយៗមាននៅលើគេហទំព័រ www.rua.edu.kh (ជាភាសាអង់គ្លេស) ។
អាស័យដ្ឋានទំនាក់ទំនងៈសកលវិទ្យាល័យភូមិន្ទភ្នំពេញ មហាវិថីសហព័ន្ធរុស្ស៊ី ទួលគោក ភ្នំពេញ
ទូរស័ព្ទៈ០២៣៨៨៣៦៤០
ទូរសារៈ០២៣៨៨០១១៦
អ៊ីម៉ែលៈ secretary@rupp.edu.kh
ជំនាញសេដ្ឋកិច្ច
ជំនាញសេដ្ឋកិច្ចសិក្សាអំពីតម្រូវការនិងការផ្គត់ផ្គង់ និងនិន្នាកាសេដ្ឋកិច្ចជារួម។ ជំនាញនេះសិក្សាអំពីផលិតកម្ម និងការបែងចែកផលិតផល ហើយវិភាគលើធនធានទាំងឡាយដែលចាំបាច់សម្រាប់ផលិតឲ្យចេញជាផលិតផលឬសេវាកម្ម។ ជំនាញសេដ្ឋកិច្ចសិក្សាទូលាយទៅលើម៉ាក្រូសេដ្ឋកិច្ចរបស់ប្រទេសឬតំបន់ទាំងមូល និងមីក្រូសេដ្ឋកិច្ចទៅលើក្រុមហ៊ុននៅលើទីផ្សារ ហើយវិភាគដោយប្រើប្រាស់គណិតវិទ្យា។ ជាទូទៅនិស្សិតនឹងបានសិក្សាមុខវិជ្ជាសំខាន់មួយចំនួនដូចតទៅ៖ សេដ្ឋកិច្ច គណនេយ្យ ហិរញ្ញវត្ថុ រូបិយបណ្ណនិងធនាគារ ស្ថិតិ ការអភិវឌ្ឍន៍សេដ្ឋកិច្ច ។ល។
ក្រោយពីបញ្ចប់ការសិក្សានិស្សិតអាចមានសមត្ថភាពធ្វើការនៅតាមបណ្តាស្ថាប័ននានា ទាក់ទងនឹងផ្នែកសេដ្ឋកិច្ច ហិរញ្ញវត្ថុ និងវិនិយោគ រួមមានដូចជា អ្នកវិភាគគម្រោងថវិកា អ្នកសេដ្ឋកិច្ច អ្នកវិភាគហិរញ្ញវត្ថុ អ្នកវិភាគស្រាវជ្រាវទីផ្សារ ភ្នាក់ងារលក់មូលបត្រ អ្នកស្ថិតិ អ្នកវិភាគឥណទាន គ្រូបង្រៀនតាមមហាវិទ្យាល័យ ។ល។
Subscribe to:
Posts (Atom)
